BIBLE

Bible cu Pathian in amah le amah minung pawl hnenih a phuansuah awknak a si. Bible cu Pathian ih thawkkhum mi le a palh theilo mi a si ih kan tthumawk nak bik ding a si.

Pathian (God)


Pathian pakhat lawng a um ih Amah lawng a nungmi le zumtlak Pathian asi. Amah cu sersiamtu, rundamtu, ziang hmuahhmuah tlun ih thu neitu sangbik, le a thianghlim mi Pathian asi. Amah cu huham neimi le ziangkim theitu, hmuntin ih um zingkim tuah theitu asi. Kan biakmi Pahtian cu thumkom Pathian: Pa, Fapa le Thiang Thlarau asi ti kan zum.

Pa Pathian

Pa Pathian cu a sersiam mi hmuahhmuah parih thu neitu le kilkhawitu asi. A mah cu a cakbik, ziangkim theitu, duhdawtnak famkim neitu, le fimnak hrampi asi. Jesuh zumtu hmuahhmuah ih Pa asi.

Fapa Pathian (Jesuh Khrih) (God the Son)


Jesuh Khrih cu Pathian Fapa asi ih Thlarau Thianghlim hnattuan nak thawngin nuthianghlim Mary sungin a suak. Jesuh Khrih cu thumkom Pathian lakih a tel mi a si tiah kan zum. Jesuh Khrih cu kan sualnak ruangah thinglamtah parah thihnak a tuar ih nithum hnuah thlan ihsin a tho sal ih Pa hnenah a feh, ni netabik ah leitlun ah a rung ttum sal dingih thu a tthen ding tiah kan zum. Jesuh Khrih cu Puithiam Saang, Profet, le Siangpahrang asi tiah kan pom. Tufangah, Amah a zumtu hmuahhmuah sungah aum.

Thlarau Thianghlim Pathian (God the Holly spirit)


Thlarau thianghlim cu Pathian ih thlarau asi. Thutak mi a theih ter ih tlunah Jesuh Khrih a cawi saang. Mipawl an sualnak a theih ter ih fel nak le thu tthThlarau en nak thutak mi a fiang ter. Rundamtu hnenah mi a hruai ih mi a piangthar ter. Mi an pianthar le veten Khrih sungah Baptisma nak a pek. Zumtu pawl lam a hruai, a hnem hai ih Pathian hna an ttuannak hrangah thlarau rah pawl tla a pek. Pathian ram hrangah zumtu pawl huham cahnak a pek.

Milai Rundamnak (Salvation)


Milai cu Pathian ih zangfahnak thawngin zumnak ih rundam kan si. Cumi cu Khrih thisen a luannak lawngin a kimcang ter. Bawi Jesuh zumnak siarlo rundam cotheinak lamzim dang a um lo. Cuvek thotho in, Amah cu minung hrangah thihnak tuarin a thawh sal vekin kan nih khal thawhter sal kan si ding ti kan zum.

Milai (Man)


Minung hmuahhmuah cu Pathian hmuihmel keng le Amah thawn thukzet ih pehtlaih aw dingah sersiammi kan si. A hramthok ah minung cu sual neilo an si. Asinan Satan pa’i thlemnak thu an ngai ih Adam le Eve cu Pathian hmaiah misual ah an cang. Cumi sualnak ruangah Adam ih cithlah hmuahhmuah cu rundam ttulmi kan si. Sihmansehla, Pathian ih zaangfahnak ruangah le Jesuh Khrih kan zumnak, rinsan nak thawngin a zumtu hmuahhmuah cu rundam fa kan si.

   

Kawhhran (The Church)


Kawhhran cu leitlun milai Pathian ih rundam mi zumtu pawl pumkhawm ih biaknak, thlacamnak, zirhawknak, thapek awknak, le pakhat le pakhat pawlkomawk nak asi ti kan zum. Kawhhran ih Lu cu Jesuh Khrih asi ih Kawhhran cu Jesuh Khrih ih ruangpum asi.

Baptisma (Baptism)

   

  • a.    Baptisma cu Jesuh Khrih kan zumnak Pathian hmai le minung hmaiah kan phuansuahnak asi tiah kan pom.

  

  • b.    Jesus Khrih cu Rundamtu le Bawipa ih a cohlangtu lawng tipinak pek a si pei. ( Emersion )     

Bawipa zanriah (Communion)

   

  • a.    Bawipa Zanriah cu Jesuh Khrih ih in tiamta vekin amah theih ringring nak dingah hman mi asi. Khrih kan zumnak, Amah thawn pawlkom aw in thih tiang A hrangah rinum zetih nung ding kan si ti langternakah a ratsal hlan lo hman ding asi ti kan zum.


  • b.    Jesuh Khrih cu in rundamtu le ka Bawipa asi ti a zum ih Pa le Fapa le  Thlarau thianghlim hmin in Baptisma a ngahtu pawl lawngin hman ding asi pei.